İcma idarəçisi

Milli Süni İntellekt Mərkəzi (MSİM), AZCON Holding-in tərkibində fəaliyyət göstərərək Azərbaycanda süni intellekt sahəsində tədqiqatların inkişafını və tətbiqini təşviq edir. Mərkəz, süni intellekt texnologiyalarının tətbiqi və miqyaslandırılması vasitəsilə ölkədə rəqəmsal transformasiyanın sürətləndirilməsini hədəfləyir. MSİM olaraq, ölkədə süni intellekt sahəsində tələbələri, Süni intellekt mühəndislərini, tədqiqatçıları, sənaye ekspertlərini və digər maraqlı tərəfləri bir araya gətirəcək, aktiv və davamlı Süni intellekt icmasının inkişafını təmin edəcək İcma və Ekosistem üzrə mütəxəssis axtarırıq. Bu rolda siz Süni intellekt icmasının formalaşdırılması və koordinasiyası, bilik mübadiləsinin təşviqi, icma əsaslı təşəbbüslərin həyata keçirilməsi və müxtəlif ekosistem iştirakçıları arasında əməkdaşlığın gücləndirilməsi istiqamətində aktiv rol alacaqsınız. Fəaliyyətiniz ölkədə Süni intellekt sahəsində insan kapitalının inkişafına, tətbiqi innovasiyaların təşviqinə və milli Süni intellekt ekosisteminin gücləndirilməsinə töhfə verəcək.